DAGUL: Nagsalita na ukol sa PAGBABANGAYAN nina DRA. VICKY at OSANG
http://www.tabulas.com/~schizophrenic

Kailan lamang ay sumabog ang kontrobersiya ukol sa di pagkakaunawaan ng dalawang dating magkaibigan na ngayo'y mortal ng magkaaway dahil sa tsismis na ipinamalandakan umano ng huli na nagdadalantao ang anak ng una.

Nag-ugat umano ang balita mula kay Manay Lolit na s'yang naglantad kay Dra. Vicky sa isang piging para sa kaarawan ni Dagul na ginanap sa Sampaguita Hall ng Manila Hotel. Ito ay kinalalahukan ng mga Press at mga taga-media.

Ayon sa aking asset, kaya nailantad ni Manay ang balita ay dahil hindi na raw nito napapakinabangan ang batikang talk-show host ng Startalk. Na s'ya rin namang pinatibayan ni Osang ayon na rin sa isang interbyu.

Hindi magkumayaw ang galit ni Osang sa kanyang manager na si Manay, at sa batikang dermatologist. Hindi na raw makakain si Greys (ang anak niya) at palagi ng matamlay. Nang siya ay ininterbyu sa kabilang show na the Buzz si Osang, puro maaanghang na salita ang kanyang nabitawan, dala na rin ito ng sobrang hinagpis at awa na nararamdaman niya sa kanyang anak.

Ayon naman sa magaling na dermatologist na si Dra. Vicky, hinding-hindi rin daw siya makakapayag na dungisan ni Osang ang kanyang pangalan na pinag-ingatan n'ya at kanyang itinaguyod. Humihingi ang doktora ng isang public apology mula kay Osang upang maayos ang gusot. Ngunit sabi naman ng kabilang panig, hinding-hindi raw niya ito magagawa, dahil anak na niya ang kinalaban n'ya.

Nang aming nakapanayam ang premyadong unano na si Dagul ukol sa kontrobersiyang sumambulat sa mga d'yaryo at TV, ito ang kanyang nasambit:
"Nyiii, Bakit ako napasali d'yan? Wala akong kinalaman sa away nila. Ano bang pakialam ko dun?!"

Bakas na bakas sa mukha ng premyadong unano na si Dagul na wala talaga siyang kinalaman sa away ni Osang at Dra. Vicky. Kami ay lubos na naaawa sa panig ng premyadong unano dahil s'ya ay nasasangkot sa mga bagay na wala naman s'yang kinalaman.

Sa inyong mga gustong magbigay ng simpatiya kay Dagul, o kaya kay Osang, Manay Lolit o Dra. Vicky, i-click n'yo ang comments link sa ibaba ng artikulong ito, ilagay lamang ang inyong pangalan at mensahe.